للي عندهم خبره في الايلتس الرجاء المساعده

[Ashwag]

السلام عليكم ورحمة الله وبركاته

اخواتي واخواني حبايبي في اسأل

بصراحه انا ابغى المعونه منكم سواء برايكم او مصادر ومراجع تساعدوني فيها اذا قدرتوا

ندخل على الموضوع

انا خاطري ادخل امتحان الايلتس
<<

وبما انو ماحصلي ترم صيفي بسبب انو ندرس في جامعه عريقه مثل جامعة الملك سعود اللي ماقدرت توفر على الاقل دكتوره وحده تدرس

قررت استغل اجازتي في التحضير للايلتس

المهم

انا لقيت بالنت اشياء كثيييييييييييييره عن الايلتس حاااست ابو مخي

وبيني وبينكم انا احب اعتمد على شي مجرب \<<< يعني امسك شخص حضر للايلتس وجاب درجه كويسه واساله كيف حضرت ويقولي درست كذا وقريت كذا واعتمدت على كذا

وبصراحه انا مااعرف احد اخذ الايلتس << عشان كذا لجئت اليكم حبايب قلبي في اسأل

اتمنى من اي عضو او مشرف يعرف احد حضر للايلتس وعنده خبره من قبل

او يعرف مراجع ومصادر كويسه غالبية الامتحانات تجي منها يساعدني ويذكرلي اسمها

لكن اريد شي مضمون ومجررب

ولا تكثرون علي << يعني افضل اني اركز على اشياء معينه ولا اجمع مصادر كثيره تحوسني معها

شاكرين لكم حسن تعاونكم << هع

انا كاتبه الموضوع ومتردده الف مره وخايفه اني مااكمل ويعجبني التسدح في الاجازه

فقلت مالي الا اسالكم واتحدى نفسي واقدر اسوي اللي ابيه ان شاء الله

وكمان نسيت اقول << اذا فيه مراكز او معاهد في الرياض تعطي دورات عطوني خبر

واذا تعرفون شخص او شخصه معينه يعطون كورسات وعندهم خبره كمان لاتقصرون معاي

ومشكوووووووورين مقدما

اختكم

أشواق